أحمد ياسر رزة

  -          أحيانًا، يجب على الإنسـان الاعتذار، لا عن الإسـاءة، ولا عن تقديم النقد، سواء طلبه أحد أو لم يطلبه، سواء كان من يبحث عنه مقربًا، أو مبعدًا، أو غير ذلك، أحيانًا، يجب على الإنسـان الاعتذار عن تقديم المدح لأحدنا، الذي لم يطلبه ! -      هل يمكن أن يتسبب المديح، لا الكاذب منه وإنما الصادق، في أزمة للإنسـان؟ هل من الممكن أن يتعذب الممدوح بالمدح قدر ألمه المنبثق من الإساءة إليه بالنقد الجارح المشخصن المشحون المتجاوز؟ نعم! ولا يمكن الإنكار على الإنسـان في ذلك . -      كما الذم، يحتاج المدح إلى طاقة، طاقة قبول الخير الذي هو بالأصل كامن فيه، في لحظات كثيرة، يستسلم الإنسـان للألم، وللحزن، واليأس، جراء ما أصابه، أو جراء ما فعلته يداه، قد يكون المدح بمثابة بوابة جديدة لعالم من الأمل، والأمل قتال، إحياء الأمل في النفوس التي فقدتها أزمة كبيرة، ومخاطرة غير محسوبة، وطريق غير مضمون، وعواقبه صعبة ووخيمة، إحياء الأمل أزمة، كما اليأس، ولكـن في اليأس راحة، راحة اللانتظار، راحة الثبات والركون والاستقرار الكاذب...

-      معرفة النفس رحلة طويلة جدًا، رحلة قد تستغرق من الإنسـان عمره، وتظل رحلة متحاوطة بالشك الدائم، الشك اللي ممكن يستمر طول فترة بقاء الإنسـان، مش رحلة للساحل، ولا شيء بيتعمل في أوقات الفراغ، مش شيء سهل، وحلو، وجميل، شيء صعب، معقد، وقاسي، قاسي جدًا، بيفتح جروح قديمة، ويسيبك تعاني منها، وتعيش المعاناة دي، بيحررك من أوهام بتفضل محفورة فيك، بيخليك أنت اللي ماسك الدفة . . -      الأسهل في الحياة إنك متعرفش حاجة، لا تعرف نفسك، ولا تعرف حاجة، المشي بالميكانيزمات الدفاعية، أو الحيل الدفاعية سهل، المشي باللاشعور سهل، رمي كل الأخطاء على الخارج سهل، الظن بإن الناس هما المشكلة، والمواقف هي المشكلة، وإنك أنت كويس، ولو اتحطيت في زمن تاني أو وضع تاني هتبقى حد جميل سهل . . -      الرحلة دي زي كل رحلة، فردية، مهما بدا لك غير ذلك، في علامات، وإرشادات بتنور الطريق، لكـن تظل رحلة فردية، رحلتك الخاصة. . اللي أي حد يقولك إنه   هو اللي هيوريهالك وهو اللي هيخليك، وهو اللي واللي هو في الأغلب جاهل، أو مخادع . . -      ا...

  -      من أكثر الأمور اللي بيتم التركيز عليها في التربية وعلم النفس هي فكرة إن "الإنسـان كائن غير واعي" على الحقيقة، على الأقل حتى يتوقف. -      الإنسـان يتشكل بما أودعه الله فيه، شخصيته المولود بيها، كل إنسـان مولود بيلت إن فيه شوية حاجات مختلفة عن الشخص التاني، الاختبارات في اللعبة مختلفة، وكل اختبار بيتم تحديده على حسب أنت واقف فين، وبمرور الأيام الإنسـان بيبدأ يتشكل، بيتشكل في البيئة اللي بيعيش فيها، البيئة دي قد تكون الشيء اللي هيساعده على استخراج مكنونات نفسه الطيبة، أو هتساعده على إنه يخرج كل الشر، هتساعده على إنه يتحسن، أو هتخليه يفضل طول حياته محاط بالأوهام اللي حطها فيه الآباء . -      الإنسـان في أول مرة يتعلم فيها المشي بيكون مختلف تمامًا بعد كام سنة، المشي اللي كان في البداية عملية صعبة ومعقدة ومحتاجة مجهود وضبط زوايا، ورفع الرجل بطريقة معينة وإنزالها بطريقة معينة، والتوقيت المهم جدًا في العملية، كل ده بيختفي بعد فترة، المجهود اللي كان بيحصل ده كله بيختفي بعد التعلم، وبيبدأ الفعل يتحول إلى شيء روتيني عاد...