أحمد ياسر رزة

-      معرفة النفس رحلة طويلة جدًا، رحلة قد تستغرق من الإنسـان عمره، وتظل رحلة متحاوطة بالشك الدائم، الشك اللي ممكن يستمر طول فترة بقاء الإنسـان، مش رحلة للساحل، ولا شيء بيتعمل في أوقات الفراغ، مش شيء سهل، وحلو، وجميل، شيء صعب، معقد، وقاسي، قاسي جدًا، بيفتح جروح قديمة، ويسيبك تعاني منها، وتعيش المعاناة دي، بيحررك من أوهام بتفضل محفورة فيك، بيخليك أنت اللي ماسك الدفة . . -      الأسهل في الحياة إنك متعرفش حاجة، لا تعرف نفسك، ولا تعرف حاجة، المشي بالميكانيزمات الدفاعية، أو الحيل الدفاعية سهل، المشي باللاشعور سهل، رمي كل الأخطاء على الخارج سهل، الظن بإن الناس هما المشكلة، والمواقف هي المشكلة، وإنك أنت كويس، ولو اتحطيت في زمن تاني أو وضع تاني هتبقى حد جميل سهل . . -      الرحلة دي زي كل رحلة، فردية، مهما بدا لك غير ذلك، في علامات، وإرشادات بتنور الطريق، لكـن تظل رحلة فردية، رحلتك الخاصة. . اللي أي حد يقولك إنه   هو اللي هيوريهالك وهو اللي هيخليك، وهو اللي واللي هو في الأغلب جاهل، أو مخادع . . -      ا...

  -      ختم اليوم بشيء لطيف، طول اليوم مريض، ملازم الفراش، لكـن ربنا شاء إن اليوم يُختم بلوكا، وده شيء لطيف جدًا . -      الفيلم جميل، لطيف، هادئ، معبر، مرتبط بعلم النفس بشكل كبير جدًا، وده يظهر لأي حد درس أي شيء متعلق بده، لكـن على مستوى القصة نفسها، فالقصة كذلك جيدة، وعلشـان كده هو مناسب للجميع، صغار وكبار، متخصصين وغير، ويمكن علشـان كده الفيلم قدر يحقق الانتشار ده، وده جزء من بهاء الفن عمومًا . من أبرز الموضوعات اللي في الفيلم الحديث عن الناقد الداخلي . . يبدو بشكل ما إن الإنسـان لا يخرج إلى الدنيا بكل هذا الكم من المخاوف، ولكـن بعد السير في الدنيا، والمرور بتجربة وإتنين، الناس كلها بتبدأ تنفخ في الزبادي، مع معرفتهم التامة إنه زبادي، بيتكون عند الإنسـان ناقد داخلي شرير،وقاتل، يظهر في تعميمات مريبة، يظهر في نقد كل شيء، يظهر في إخبارك إنك غير كافي، وغير كفء، يظهر ويكبر ويستفحل مع كل تجربة سلبية، وبالتالي بتبقى كل محاولة جديدة هي عبارة عن أزمة مطلوب تتعامل أنت معاها . الناقد الداخلي نقدر نقول إنه متخصص الشعور بالذنب، متخصص جلد الذات، مت...

  -      من أكثر الأمور اللي بيتم التركيز عليها في التربية وعلم النفس هي فكرة إن "الإنسـان كائن غير واعي" على الحقيقة، على الأقل حتى يتوقف. -      الإنسـان يتشكل بما أودعه الله فيه، شخصيته المولود بيها، كل إنسـان مولود بيلت إن فيه شوية حاجات مختلفة عن الشخص التاني، الاختبارات في اللعبة مختلفة، وكل اختبار بيتم تحديده على حسب أنت واقف فين، وبمرور الأيام الإنسـان بيبدأ يتشكل، بيتشكل في البيئة اللي بيعيش فيها، البيئة دي قد تكون الشيء اللي هيساعده على استخراج مكنونات نفسه الطيبة، أو هتساعده على إنه يخرج كل الشر، هتساعده على إنه يتحسن، أو هتخليه يفضل طول حياته محاط بالأوهام اللي حطها فيه الآباء . -      الإنسـان في أول مرة يتعلم فيها المشي بيكون مختلف تمامًا بعد كام سنة، المشي اللي كان في البداية عملية صعبة ومعقدة ومحتاجة مجهود وضبط زوايا، ورفع الرجل بطريقة معينة وإنزالها بطريقة معينة، والتوقيت المهم جدًا في العملية، كل ده بيختفي بعد فترة، المجهود اللي كان بيحصل ده كله بيختفي بعد التعلم، وبيبدأ الفعل يتحول إلى شيء روتيني عاد...

-     فكرة محورية في التعامل مع أخطاء الطفل السلوكية، هي التفكير في (ما وراء السلوك)، مش في السلوك نفسه، السلوك نفسه يمكن تجاوزه بأشكال كتير، لكـن أزمة السلوك الحقيقة في النظام (الداخلي) اللي أنتج لنا السلوك ده، وعلشـان كده الاهتمام بالطفل هنا بيكون في الإطلاع على العالم الداخلي -     هل في وسيلة أصلًا لإيقاف (السلوك المزعج) للأطفال؟ الحقيقة، إنه صعب، لكـن ممكن تقتل في الطفل كل سلوك مزعج، وتخليه شعره متسرح على جمب وبيسمع الكلام ومطيع عادي، وبتختلف شوية باختلاف جنس الطفل، وشخصيته، لكـن الحماية الزايدة في نهاية المطاف بتوفر الطفل اللي شكله حلو ده . -     الأزمة فين؟ الأزمة في النظر إلى السلوك وحده، فيتم اعتبار توقف الطفل عن السلوك= نجاح للعملية التربوية، مع العلم إن في انفصال شديد بين الاتنين، الطفل ممكن يتوقف عن السلوك (الظاهري) ولكـن تبقى بذور الأفكار والمشاعر (الداخلية) بتتحكم فيه وفي مستقبله بعد كده . -     علشـان كده بيتم تبرير الضرب، لإنه ممكن يوصلك للنتيجة اللي أنت محتاجها (ظاهريًا) وخصوصًا في الفترات الأولى. . وده ب...

  كتيب "أبو سلمى والأبناء" -     الكتاب الثاني، من سلسلة "أبو سلمى" للدكتور أوسم وصفي، بعد كتاب أبو سلمى والزواج، وكالكتاب السابق، الكتيب خفيف جدًا، لطيف، بسيط لأبعد مدى ممكن، الأفكار الواردة فيه هي عين الأفكار أو قريبة من الأفكار التي كررناها كثيرًا. -     الأطفال، نعمة، والحيـاة، نعمة، تتطلب المزيد والمزيد من البطء، من أجل الفهم، والنظر، وتقدير النعم، ومحاولة فهم الحياة وعيشها. -     نعمة الأطفال، وجودهم، رؤيتهم، في الجوار، ضحكاتهم، لمتهم، واجتماعهم، وحتى مشاكلهم، نعمة، وقد تحدثنا عن نعمة غسل الصحون سابقًا، فما بالك بالأطفال! كل ما ينبغي عليك أن تفعله لتقدر النعمة حق قدرها، أن تجلس مع شخص تمنى ذلك ولم يجده. . والأشياء رزق، والاختبارات مختلفة، ونسأل الله ألا يدخلنا في تجربة، وألا يكلفنا ما لا طاقة لنا به. -         احترام الطفل منقسم= احترام لنفسك أنت، واحترامك لهم بشكل مباشر. -     احترام الإنسـان لنفسه، هو رحلته في هذه الحياة، والموفق من وفقه الله، هذه الرحلة هي رحلة ما أسمين...

  كتيب "أبو سلمى والزواج" Ø          كتيب "أبو سلمى والزواج" – من إعداد الدكتور أوسم وصفي، ورسومات فلاين. Ø          الكتيب خفيف، كباقي السلسلة اللي هنستعرضها تباعًا، مزين بمجموعة من الرسومات اللطيفة، فكرة الكتيب الأساسية إنه مش كتاب. Ø          يعني الكتاب هو عبارة عن مجموعة "اقتباسات"، فيها أفكار نقدر نقول عنها إنه فكرتها إنها تكون "مكثفة"، تحمل معاني كتير، ودلالات أعمق، مع كل فكرة في رسمة، بتعبر بشكل ما عن المقصود قوله. Ø          الكتاب صالح لكل الناس طبعًا، وخصوصًا الناس اللي مش بتحب القراءة   والتعمق، كلمتين صغيرين، مع صورة لطيفة، وانتهى الأمر. Ø          رأيي الدائم في الموضوعات دي، منبعث من تجربتي، ويعتبر إسقاط لرؤيتي أنا، وده طبيعي وبدهي لكـن حبيت أقوله، أنا شخص كاره للكبسولات، الكبسولات اللي بيتم التعامل معاها باعتبارها منتهى العلم، لكـن في نهاية المطاف التجربة...